oj bara

það er ótrúlegt, en Ungverjinn er á leið í Latínupróf. Ég hélt þetta myndi aldrei gerast, en svona fór það nú. Einnig stóð Ungverjinn í þeirri meiningu, að stærðfræðiferli sínum væri lokið. En svo fór nú ekki. nýafstaðið próf í líkindafræði sannar það.

viszlat

tjahh

ríkisstjórn Ísraels er fallinn. Það myndu allavega flestir halda þegar varnarmála, og utanríkisráðherrarnir eru farnir, auk flestra annarra. Nei. Feiti gráhærðimaðurinn heldur ótrauður áfram...

Þetta er ótrúlegt.

Nú er bara orðin spurning...

...hvort Ungverjinn kemur heim um jólin...


...neinei. spurningin er hvort ColdPlay næst... það verður samt ekki látið gerast að missa af stærsta tónlistarviðburði ársins. Kannski á eftir Airwaves...

Stækkaðu typpið á þér...

...eru skilaboð sem Frelsarinn fær oft yfir öldur alnetsins.

Tæknin er dásamleg...

...þó bölvunin sé skammt undan. Hér rétt áðan hljómaði SigurRós, á Samféslista Rásar2. Nú er hins vegar PuffDaddy, P-diddy eða hvað það nú er. hann kyrjar um vin sinn akfeita BIG. svona er þetta nú.

Heilt og sælt

veri fólkið. Hér er orðið kalt og gott, enda hefur Ungverjinn innbyggðri dúnúlpu að ráða, sem þó er unnið markvisst í að minnka. Nú hvað sem því líður, þakkar Ungverjinn KP, fyirr innleggin hér að neðan, sérstaklega vegna þess að Ungverjinn veit, að KP er ekki þessi týpa sem básúnar skoðunum sínum landa á milli, hvað þá á alnetinu. Þó er KP hvött til að halda áfram, enda tekur Ungverjinn mark á skoðunum hennar, og meira en flestra annarra. Þar hafiði það.

FOKK

klukkunni var breytt í gær. ég er að verða of seinn í skólann!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

Eþíópískur andskoti með hrísgrjónum og dúndri

Kjúklingur, mauksoðinn. Krydd, sterkari en djöfullinn, andskotinn og helvíti samanlagt. Egg, sem voru mild. Hrísgrjón, non-stick að sjálfsögðu. Linsubaunabuff með dressing, ala Hanna. [djöfull langar mig í lindubuff!]. Þetta var maturinn á föstudaginn. Íslendingasamkoma dauðans [nú eða lífsins eins og KP orðar það]. Hitti Ungverjinn mafíubarða stúlkuna Sólveigu fyrsta sinni. Var hún viðkunnaleg, þó tilsvör hennar ýmsum spurningum hafi ýtt við í höfði Ungverjans.

Einnig kom í ljós samkynhneigð íslendingasamfélagsins í Debrecen. Fólk komst að því að annað föstudagskvöldið komu Íslendingar saman og hlustuðu á Evróvisjón. Það var nú gaman, aftur. Einnig gerði samkynhneigð vart við sig í hópi íslendinganna... nánar af því síðar...

Viðbrögð við síðasta bloggi

Fólk brást jákvætt, í flestum tilfellum, við síðasta bloggi. Þó barst Ungverjanum athugasemd frá eðalgellunni KP. Snótin tók andköf er hún sá svarið, og hélt að Ungverjinn hefði lekið trúnaðarupplýsingum á vefmiðil sinn. Það gerðist ekki, og mun aldrei verða gert.

KP er beðin afsökunar á að þetta hafi ekki verið fram tekið í allri sendingunni til gellunnar. Sorry darlíng.

"Ekki neitt"

er nýtt lag með SigurRós. Ungverjinn hlýðir á Rás2 á netinu. Gerði að því er virðist árangurslausa tilraun til kveðjusendingar með rafpósti. En lagið hennar Sigurrósar. Fantagott.

heilir og sælir, lesendur góðir

Hér á eftir fer blogg dagsins, sem að þessu sinni, er svar við rafpósti er Karen Páldsóttir, söngfugl og eðalgella, sendi Ungverjanum fyrir margt löngu. Ekki þarf að hafa um það frekari orð.

Hér birtist þá svarið:

[Til að koma lesendum inn í atburðarásina, þá höfðu Ungverjinn og Karen, aka Key Neferkeyti aka Saccharomyces cerevicianes eða e-ð álíka, nýlega talast við á örmýktarsendiboðanum]

Jú, rétt er það. Langt síðan [að maður hafði e-ð heyrt]. Um það bil fjórar og hálf mínúta eru liðnar frá því er þú lagðir á mig, á veraldarvefnum. Stafir þínir, innanpíkubleikir (eða ekki) horfnir af skjá mínum. Aðra eins sorg, hef ég aldrei upplifað.

Annars hefur fátt gerst, síðustu 4,5 mínúturnar. Ég las reyndar snilldarblogg Vidars Pálssonar, hvur er staddur í Amriku að nema fræði sagna. Hann bloggar listavel um selfoss. Staður sá, hefur löngum verið efni þess sem þetta ritar, til að hafa horn í síðu [þ.e. ég þoli ekk Selfoss] og hvað þá Kentucky staðinn. Pleisið á bara ekki tilverurétt. Ef horft er á konung Kentuckystaðanna á Frónni, í Hafnarfirði að sjálfsögðu, og drottningu hans, í Skeifunni, og barn þeirra við Smáralind, er ljóst að staðurinn á Selfossi er ljóti andarunginn. Og ennfremur ljóst að staðurinn verður ekki fallegur svanur. Og mjög sennilega ekki fallegri en Svanur, sá er flestir betur þekkja af öldum ljósvakans í GettuBetur. Nei, Kentucky á Selfossi er staðurinn, ef fólk vill hafa horn í síðu e-s. Ekki það, að Ungverjinn hafi ekki fengið sinn skerf af vansteiktum frönskum [u. sultkrumpli], og hlandvolgum Tower-Zinger borgurum. Nei. Ef fólk á leið um landið sunnanvert, er rétt að benda á afleggjarann að Laugarvatni. Á Laugarvatni er að finna fína bensínstöð sem selur pylsur. Eru þær betri en Kentucky dauðans á selfossi, og ódýrari í kaupbæti.

Jæja, ég læt þetta vera lokaorð svarsins, sem skuldað hefur verið í hátt í mánuð.

kveðja,
Eggert

um fyrringu alheimsins

Hinn 11. september, 2001 flugu flugvélar yfir Bandaríkjunum. Ekkert óvenjulegt við það, nema að 4 tóku 180° beygju. Tvær rústuðu WTC, ein Pentagon, og ein gerði holu í engið hjá friðsælum bónda í Pensilvaníu fylki.

Maðurinn sem talinn er standa að baki þessum árásum er Usoma Bin Laden. Nú er svo komið að allt sem slæmt gerist í heiminum, fyrir utan blóðbaðið í Palestínu og Ísrael, er Bin Laden að kenna. Það vilja menn frá the bandaríks meina. Um þessar mundir gengur laus geðsjúklingur í the bandariks og dúndrar niður fólk af færi. Hann er snæper. Fjölmiðlar vestra voru ekki lengi að tengja snæperinn ógurlega við "the al Qaeda terrorist network" og öllu er skellt á Bin Laden og félaga. Að fólki skuli almennt detta slík vitleysa í hug!

Það kemur svo í ljós, að sennilega hefur snæperinn verið þjálfaður af þeim bestu í heiminum, sem eins og fólk veit er undnatekningarlaust frá the bandariks, snæperskúl of the US army. Ljósvakamiðlar bandaríkjamanna tóku andköf þegar þeim kom þetta í hug. Kannski er ekki allt vont í heiminum al Qaeda að kenna!!!

Annað hefur komið sér rækilega fyrir í skotfærakassa Ungverjans, er það að aldrei er þeim möguleika velt fyrir sér að um geti verið að ræða kvenmann! Er það svo ómögulegt? Ungverjinn viðurkennir að líklega er þetta karlkynsvera, en síðast þegar undirritaður vissi, þá gátu konur tekið sér snæperriffil í hönd og dúndrað niður saklausa vegfarendur. Ungverjinn minnist þeirrar slæmu myndar "the Good Son" með Mickauly Culkin [afsakið ef nafnið er vitlaust ritað]. Þar skaut homealone strákurinn hund af færi með lásboga sem hann bjó til. Ef 12 ára krakki getur skotið hund af 50 metra færi, hlýtur það að vera á færi kvenmanns að dúndra niður saklaust fólk með riffli.

Það sem þessi pistill á að gera, er að vekja fólk til umhugsunar um hvað bandarískt þjóðfélag er sjúkt. Það er ekki til í málinu að e-ð sem slæmt gerist, geti mögulega verið þeim sjálfum að kenna. Ábyrgðinni er alltaf, a.m.k. í fyrstu, varpað á utanaðkomandi aðila án þess að líta fyrst í eigin barm, og vera sjálfsgagnrýninn.

Annað sem gefur dæmi um vitleysishátt bandarískra, er félag að nafni NRA. NRA, National Riffle Association, berst fyrir því að hver einasti bandaríkjamaður eigi byssu, og skjóti hvern þann sem e-ð illt gerir öðrum. Taki lögin í eigin hendur. Þetta sagði e-r boss hjá NRA í þættinum MeetThePress í gær á NBC. Hann sagði að vonandi næði e-r "member of our fine organization" þessum snæper í sigtið og dúndraði hann niður. NRA er líka á móti því að eyða fé í að fingramerkja allar byssur í bandaríkjunum, af því að það væri of mikið vesen fyrir "our members" sagði bossinn. Það er nú alveg hrikalegt að menn þurfi að skila byssunni í einn dag, svo kannski væri hægt að ná 25% fleiri morðingjum en gert er í dag. ARRRRRRRGGGGHHHHHt!!!

jæja, Ungverjinn er of reiður til að halda áfram.

Lifið heil

Orsakasamhengi bloggfalls

Ég sem slíkur, í kosmísku samhengi skipti ekki miklu máli. Ég þyrfti að ráða heiminum, til þess að geta mögulega haft hin minnstu áhrif. Bloggandi biðst afsökunar á blogfalli því er orðið hefur, og að neðan birstast ástæður bloggfalls:

1. Ungverjinn hefur bara frá andskotanum ekki neinu að segja.
2. Það er semsagt ekkert í fréttum.
3. Við lestur bloggs annarra bloggenda, hefur ekkert hreift við Ungverjanum, til hvatningar bloggunar.


Blogg það sem hér á eftir kemur, er upphafið in the Bandaríks. Ekki gott upphaf það.

bloggfall

bloggfall hefur orðið. afsökunum er fleygt í lesendur

hér kemur svo kjarni málsins

eftir tíkinni, Gáláboll, Grís, Fjarðarkaupum, Frelsaranum og efninu segjum við

AMEN

í fréttum er þetta helst...

Ungverjinn tók fyrsta alvöruprófið um daginn, þriðjudag. Það er frá skemmstu að segja, að Ungverjanum tókst, að venju, að gera e-r klaufavillur, en prófið er örugglega í höfn. Gott að segja frá því.

Af félagslífi...

Gáláboll! Egyetem Ézerét, Szombat 20:00 óra

Þetta er fyrirsögnin á auglýsingu fyrir árshátíð LSD (læknaskólinn Debrecen). Ungverjinn mun að sjálfsögðu ekki láta sig vanta. Félagi Bjartur er kominn á blind-date fyrir skrallið. Ung snót, fönguð í svörtustu Afríku varð fyrir valinu. Uganda, nánar til tekið og heitir Juanita (hljómar reyndar mjög grunsamlega...) en snoppufríð er hún stúlkan, og hefur þónokkuð milli eyrnanna af fyrstu kynnum að dæma.

Djöfuls Tík

Á ferðum sínum um Bloggheima, rakst Ungverjinn á þónokkra umræðu um grein á tikin.is, hverja er að finna hér á matseðli. Er tíkin söm við sig, og bullar og bullar og bull...
Það skiptir engum togum, en að fyrir er tekin sú vanmetna stétt Kassadömur (og herrar, eins og réttilega kemur fram í greininni). Verður Ungverjinn að lýsa yfir samstöðu með Kassadömum/herrum. Allt of oft eru viðskiptavinir með kjaft og leiðindi og hefur Ungverjinn eitt sinn skipt sér af slíkum manni, er grætti unga afgreiðslustúlku í bakaríi í Hafnarfirði. Það var ljótt að sjá. Maðurinn taldi greinilega að stúlkan hefði bara allt um það að segja hvað bakað væri mikið af hinum og þessum tegundum og hvort notuð væru egg eða ekki, og hvað væri alltaf of mikið af korni í FJÖLKORNABRAUÐI!!! Heimska fólks á sér lítil takmörk.

Hafi neytendur lent oft lélegri kassadömu í sömu búðinni, er tilvalið að leggja leið sína í Fjarðarkaup á mörkum Hafnarfjarðar og Garðabæjar. Þið beygjið til vinstri, í stað þess að heimsækja Forseta vorn Hr. Ólaf R. Grímsson, hvurn faðir minn kallar Grís, og er það vel. Í Fjarðarkaupum er mjög samkeppnishæft verð, mjög gott vöruúrval og ávallt þjónusta með bros á vör.

þessi skilaboð voru í boði Fjarðarkaupa

Óþolandi helvítis

nei. lífið leikur við Ungverjann þessa dagana.

Boðun fagnaðarerindisins...

Og xxxxx sagði: "Fagnið, því yður er í dag, frelsari fæddur!"

Þessi ágæta setning á vel við á degi sem þessum. Frelsarinn, aka stebbig, stebbi big, stebbi litli, Stefán Gunnar, nú eða bara Stebbi er fæddur. Já, Frelsarinn er kominn á *.blogspot.com og á án efa eftir að láta til sín taka. Að sjálfsögðu verður Frelsarinn hér á matseðlinum, eins og flest annað girnilegt í bloggheimum.

njótið

Um gildi sjónvarps

Fyrir 4 dögum varð meinið ljóst. CNN, einn þriggja stöðva með enskum talmáta, varð óásjáleg. Þannig er mál með vexti að einungis helmingur myndarinnar sést, og er það slæmt. Ungverjinn hafði engan veginn áttað sig á því hversu mikilvæg stöð CNN er geðheilsunni. Ungverjinn nálgast sambrot geðs. Ekki gott það...

Af döbbi

Hvert er gildi döbbs? Síðast þegar ég vissi, þá talaði Noah Whyle ekki þýsku, og því síður talar Vin Diesel ungversku. Getur e-r útskýrt fyrir mér gild þessa viðbjóðar? Þetta er óþolandi... Er e-t gagn?

Maður skildi ætla að texta notkun myndi auka læsi, og jafnvel kunnáttu á erlendu tungumáli, minnka kostnað og verða öllum til ánægju!!!
þess skal getið að fólk í landi Madjara fer frekar á myndir með ensku tali, en ungversku. Hver láir þeim það?

dreifing...

já, lítið fer fyrir próflestri undirritaðs...

Ungverjinn var að lesa blogg Önundar. Þar kom fram ný versjón af orðinu blogg: "Rafbókun" et.nf.

Ungverjanum líst ágætlega á...

já, tæknin er ótrúleg...

nú situr Ungverjinn og hlustar á landsleik skota og íslendinga í gegnum netið. Bjarni Fel, enn í fullu fjöri lýsir leiknum af kostgæfni.

nú verður sagt, að venju, eftir efninu

AMEN

Af alþingi...

Nú eru kosningar í vor. Það er alveg magnað hvað sumt fólk er vitlaust. Og kerfið bara almennt. Fyrir stuðningsmenn landsbyggðarinnar, er rétt að taka fram að það sem á eftir kemur, er argasta anti-landsbyggðarstefna.

Nú verður kosið eftir nýju kerfi, sem þó bætir kerfið aðeins. Hingað til, að ég held, hefur landsbyggðin haft allavega helming þingmanna, en eingungis 25% atkvæða. Það sér hver maður að þetta er rangt. Skattpeningar kjósenda af höfuðborgarsvæðinu hafa löngum farið til uppbyggingar á landsbyggðinni í formi jarðganga, annarra vegaframkvæmda og uppbyggingu flugvalla, sem svo ört sem þeir spretta upp eru lagðir niður, vegna þess að það er engin umferð. Einnig spretta upp íþróttahús, menningarhús og hafnaraðstaða. Nú er svo komið að íþróttahús með nánast knattspyrnuvelli í fullri stærð í hverju einasta krummaskuði. Húsin eru svo stór, að samanlagður mann"fjöldi" landsbyggðarinnar kæmist fyrir, þótt sennilega yrði þröngt á þingi, inni í einu húsanna, og hverju einasta, ef því er að skipta.

Það er óþolandi að íbúar höfuðborgarbúar, og íbúar á svæðinu þar í kring, borgi undir landsbyggðarfólk alls kyns framkvæmdir, þegar Reykjavík og nágrenni eru látin sitja á hakanum. Óteljandi verkefni bíða: Tvöföldun Reykjanesbrautarinnar er efst á lista. Tilfærsla Hringbrautar, ísetning Miklubrautar í stokk, uppbygging Landspítalans við Hringbraut og síðast en ekki síst Háskóli landsins. Það er óþolandi að menn látið þetta gerast, og mikilvægt að fólk láti í sér heyra, til að hindra þá þróun sem hefur viðgengist undanfarin ár.

Af illindum og öðrum djöfulgangi

Nú hefur Intifada staðið í á þriðja ár. Blóðsúthellingar eru daglegt brauð fyrir botni Miðjarðarhafs, og hið svokallaða alþjóðasamfélag aðhefst ekkert. Það er alveg ótrúlegt að einu mennirnir sem eru viðurkenndir samningaaðilar í málinu, sem ættu að vera hlutlausir halda opinskátt með öðrum aðilanum. Hér er að sjálfsögðu verið að vitna til BNA-manna, sem opinskátt lýsa yfir stuðningi við Ísraela. Og þegar e-ð gerist, eins og aðsetur Arafats lagt í rúst og setið um haugana vikum saman, þá er yfirlýsing BNA-manna á þann hátt, að athæfið sé ekki til að hjálpa til við friðarviðræður. Það sé aðeins hamlandi. Þetta er náttúrulega grín!

Annað sem er skrítið, Sameinuðu Þjóðirnar. SÞ senda friðargæsluliða hvurt á land sem er til að skjóta hina og þessa vígamenn. Það er SÞ hins vegar ómögulegt að senda friðargæsluliða til Palestínu. Hvers vegna? vinsamlegast svarið.

allt í fokki

nú er farið að líða að prófum, og stress farið að sækja á ungverjann.

Dvergurinn hefur tekið að sér að breyta linkum síðunnar þannig að þeir opnist í nýjum glugga. Gott mál það.

Til handa Ormi

Þá er mál að linni.

Ungverjinn segir amen eftir efninu, og vonar að Ormur sem og aðrir lesendur geri slíkt hið sama.

"Amen"

Gymmið...

þetta er rosalegt! Sjaldan hefur Ungverjanum liðið jafn vel. Gym tvo daga í röð, og lítur út fyrir þriðja daginn. Í morgun var farið og keypt duft. Prótein í silfruðum dunk varð fyrir valinu. Ungverjinn hefur enn ekki bragðað seyðinn, en það stendur til, eftir næstu æfingu. Það lítur því út fyrir að Ungverjinn komi í jólasteikina tálgaður, ljósabrúnn og sætur.

ps.

þeir sem mig þekkja, vita að ég fer ekki í ljós, og hef alltaf verið sætur...

Dvergur, dvergur, dvergur...

Já, Dvergurinn er sannkallaður Begbie. Brjálæðingur. Þetta vissu nú allir heilvita menn!

Skíðaferð...

...til Rúmeníu. Já, og geri aðrir betur. Þetta verður ótrúlegt. Leigt hús, pottur, bjór, og örugglega massastemming!!! Nánar auglýst síðar...

Utanfarir

Ungverjanum hefur borist til eyrna kvittur. Karen Pálsdóttir og Margrét Helga Ögmundsdóttir (héðan í frá KP og Maggan) ætli sér erlendis á sumri komanda til starfa í petri-skál. Rannsóknarvinna is the name of the game, og verður ekki þrætt fyrir að þær stöllur búa yfir reynslu í þeim efnum. Ungverjinn leyfir sér hins vegar að mótmæla, enda hlakkað til að hitta þær stöllur, ásamt öðrum limum S-Club, í ófáum bæjarferðum og teitum sumars.

ekkert amen þar...

Þó verður KP og Möggunni óskað velfarnaðar í starfi, hvort sem er á Klakanum eða annarsstaðar... að sjálfsögðu!

Ormurinn spyr...

...hvurt málið sé. Málið er íslenska, en það vissi Ormur fyrir. Málið með að segja amen eftir efninu, man Ungverjinn fyrst eftir að hafa heyrt frænda Þorsteins Joð, Jón Ársæl, segja í lok Íslands í dag, fyrir allnokkrum árum. Finnst Ungverjanum þetta tilvalið orðatiltæki, enda fallegt og ómþýtt. Sammála?

Við segjum...

amen, eftir efninu, og Þorsteini Joð.

góðar stundir

MR-ví dagurinn

var á föstudaginn. MR vann, í þriðja skipti síðan fyrsta tap í áraraðir var, er Ungverjinn gegndi fyrsta skyldustarfi sem LePre Róðrafélagsins. Ungverjinn lýsir undrun, og hamingju með þennan sigur. Önundur bendir réttilega á að skapari himins og jarðar, þeirra vesalinga, björn berg, er farinn, týndur og tröllum gefinn. Að öllum líkindum í lögfræði í HÍ, nú eða framhaldsdeild vesalinga, HR. Athugið netfangið. Skemmtileg tilviljun, að það sé hir.is, ef það nú bara væri hyr, þá væri gaman.

af Dr. Múszik Béla

tjéður er íbúi í domus Hungaricus. Hann er vitleysingurinn sem hlær að sama rússíbananum í marga klukkutíma á dag, og horfir svo á klámfengið efni, ætlað til niðurlægingar kvenna, með slökkt ljósin og hönd ofan í buxnastreng. Þetta fékkst staðfest, er ljóshærð hnáta að nafni Björg, einnig íbúi í domus Hungaricus, gekk inn á Múszik í fullu fjöri, ef svo má segja...

úff, ekki gott það...

Bloggskortur...

... sökum þynnku. Eins og lofað var, koma hér fréttir af matarboði laugardagskvelds. Bjartur og Ungverjinn gengu saman gegnum Campus að sjoppunni, hvar keyptur var hálfur líter af glærmiði með gasi [sprite], enda hafði gestgjafinn drukkið frá meðleigjanda sínum, sem tekur slíku ekki. Ekki eins og sumt fólk, sem verður fúlt í smástund og kaupir svo eigin mjöð, heldur ræðst á næstamann og drepur viðkomandi með skeið. Samanber vinsælt íslenskt þjóðlag: "... ég skæri mér hjartað úr... með skeið, því ég gæt´ekki elskað þig neitt meieieieieieeier..." [lag. BonJovi, texti: Sverrir Bergmann], nema hvað "mér" er breytt í "þér", og seinniparturinn yrði e-ð á þessa leið "því þú drakkst sprætið mitt asninn þinn!!!"

Hvað sem því líður, þá bauð Sólrún í mat, en Ungverjinn og Bjartur sáu eiginlega um að elda. Úr varð snilld. Kjúklingur, beikon, paprika, laukur, sveppir, salt og pipar, auk pasta, pesto og súrs rjóma. Gnægð rauðvíns var til staðar, flaska á haus. Áhrif hverra voru greinileg daginn eftir. Eftir mat, komu Tóta, sjá lýsingu að ofan, og bróðir Tótu, Friðrik. Gettubetur menn þeir er lesa þennan miðil, ættu að kannast við kauða, enda keppti hann fyrir emmhá(ð) þegar Jón Árni fór að gráta, og Ungverjinn stóð upp á stól og öskraði sig hásann í Valsheimilinu að Hlíðarenda. Eftirminnilegt kvöld það.

Eftir að frumkynning og smalltalk hafði farið fram, lögðu Sólrún, Bjartur, Tóta, Friðrik og Ungverjinn land undir fót. Leið lá til El Tornado. Það var tómt. Þá var stefnan tekin á miðbæinn. Genius varð fyrir valinu, ágætispleis það, fyrir utan að Ungverjinn fór fljótlega heim, sökum ölvunar, Bjartur týndist, og Sólrún endaði ein uppi á borði, dansandi eins og ég veit ekki hvað. Fullyrðing Sólrúnar, frá því fyrir viku síðan, um að hún kynni ekkert að dansa, er hér með staðfest.

Morguninn eftir var ekki um það deilt að drukkið hafði verið of mikið af rauðvíni, baccardi og bjór um kvöldið. Próf í næstu viku gera það að verkum að íslendingadjammið á fös, lau, og sun verður dræmt hjá Ungverjanum...

nánar af því síðar

Nýungar, eða nýjungar...

...alveg eftir því hvað fólk vill...

Búið er að koma fyrir athugasemdahlekk, við hvern einasta "post" eða texta sem Ungverjinn ritar. Eru lesendur hvattir til að gagnrýna, hvetja, eða bara vera með almennan djöfulgang. Allar athugasemdir vel þegnar...

Ungverjinn getur ekki orða bundist

Í gær var dómsmál í BNA. Það væri nú ekki í frásögur færandi, nema fyrir það að þetta var svona Class-action mál. Kona byrjaði að reykja 17 ára. Hedges&Benson rettur. Nú, 46 árum síðar, er konan hætt að reykja. Hún, eins og allir sem reykja svona lengi stórjók hættuna á lungnakrabba, sem hún og fékk. Það sem var næst hendi var að sjálfsögðu að fara í mál við sígarettufyrirtækið, Phillip-Morris. Konan vann, og voru dæmdar skaðabætur. Þetta eru ekki skaðabætur eins og dæmdar eru á Íslandi, nei, heldur meira svona eins og fjárlög íslenska ríkisins í 10 ár, svona gróft áætlað. 2400milljarðar íslenskra króna.
Það sem veldur Ungverjanum hugarangri, er að konan tók sjálf þá ákvörðun að byrja að reykja. Phillip-Morris fullnægði einungis þeirri þörf hennar.

Spurning um að byrja að reykja???

ég tek heilsuna fram yfir peninga. hvað með hinn almenna heimsborgara?

Nú jæja...

þetta verður látið gott heita. blogg aftur á sunnudaginn. Fylgist spennt með fréttum úr matarboði, frekari kynni af Ahmed á skránni

Af geðsjúklingum

Já, Ahmed er ekki eini geðsjúklingurinn hér. Sækóinn á efrihæðinni er fluttur. Sem betur fer. Um daginn, áður en hann flutti, söng hann alla slagarana með Frank Sinatra. Ekki gott það. En Ungverjinn óskar Daða og Björgu til hamingju með nýja nágrannann.

Gym

Já. Rétt til getið. Ungverjinn er byrjaður í gimminu, eins og það er kallað. Heitir annars Corpus-fitness, og kostar tæpan þúsara á mánuði. Vel sloppið það. Fínn félagsskapur, enda allir sem yfir höfuð æfa, æfa í Corpus. Það þýðir að læknanemar eru fjölmennir, og á síðustu æfingu, voru íslendingar í meirihluta gesta.

Ein lítil saga af manni í gimminu.

Maður er nefndur Ahmed (borið fram Achmedt). Hann er átján ára, en lýgur því að hann sé 17?!? Eins og ljóst er orðið, er maðurinn ekki heill á geði. Til að renna enn frekari stoðum undir það, þá er maðurinn í læknanámi, og hlær sig máttlausan í fyrirlestrum, að viðstöddum 160 manns, vegna þess að honum tókst að krota e-ð á hálsinn á manninum fyrir framan. Stoðirnar styrkjast... Ahmed gekk upp að Ungverjanum og Bjarti, og bauð stera til sölu. Samtalið var eftirfarandi:
A: Hey guys, wait up!
U+B: [andvarp, samtímis]
A: I got this really good shit. This shit will make you huge!
U: I really don´t wan´t to be bigger.
B: I´d like to be a little bit bigger.
A: No, no. It´s steroids men, they don´t make you fat, they burn off all your fat, make your muscles bigger and your dick will be huge!!! [hann sagði þetta í alvöru!]
B: What the hell is it?
A: It´s steroids, and not that weak shit. It´s for horses. I am gonna take at least ten pills a day, for three months. I´m gonna be fucking huge! Do you guys want some?
U+B: Uhhm, no thank´s.
Ahmed fer
U+B: Gaurinn verður dauður eftir svona mánuð, kannski einn og hálfan.

Að maðurinn sé að fara að taka hrossastera, í læknanámi. Ungverjinn er orðlaus.

ÓÞOLANDI HELVÍTIS

Nú verður fólk fyrir sjokki. Það hefur margt verið að angra Ungverjann...

1. Páll Heimisson af öllum mönnum, er farinn að blogga. Það lofar ekki góðu. Eins og Ormurinn bendir réttilega á, er um lang-hund að ræða. Ekki er örgrannt um að Páll sé í sama klassa og Ágúst Flygenring, hver fær ekki link á þessari síður. DJÖFULL!!! var leiðinlegt að lesa þetta....

2. Flugur á flugur ofan. Hvaða gagni þjónar þetta helvíti??? Þá er ég ekki að tala um hunangsflugur, heldur flugur sem borða rusl, sjúga blóð og drepa fólk! ÞETTA ER ÓÞOLANDI ANDSKOTI [kannski líffræðingarnir komi með uppástungur, bent er á gestabókina...]

3. Fólk sem skilur ensku, en er svo stolt að eiga tungumál sem er ekki einusinni skilt öðru tungumáli í heiminum, að það nennir ekki að tala enskuna.

4. Fólk sem eyðir öllum frítíma sínum í að spila rússíbanaleik, með hátalarakerfið á fullu og fer eftir atriði númer 3 á þessum lista.

5. Harsperrur. Hvað er málið?

vanræksla

Ungverjinn komst að því, sér til mikillar furðu að a.m.k. tveir hlutir í heimi Ungverjans, og kunningja höfðu verið vanræktir.

1. Margrét Helga var hlunnfarin af rafpóstsendingum. Það verður ekki látið koma fyrir aftur.

2. Dvergurinn ætlar ekki á fyllerí um helgina. Það verður heldur ekki látið koma fyrir aftur. SINDRI, ÉG FYLGIST MEÐ ÞÉR!!!

jæja

Ungverjinn hefur ákveðið að eyða föstudagskveldi á kunnuglegan hátt. Háttur sá átti við er Ungverjinn sat sveittur yfir morkinni vefjafræðinni í HÍ, n.t.t. í Clausus fyrir ári síðan. Kvöldið hófst á efnafræði, og lýkur á bloggi. Eini munurinn er að blogg var ekki hafið fyrir ári. Annað er eins. Auk þess má nefna að Ungverjinn situr ekki sveittur yfir námsbókunum fyrir jól í landi Madjara, heldur bara nokkuð rólegur. Allavega svona til að byrja með...

Úff...

...það er mikið álag á blogger servernum í kvöld. Ég hef bara aldrei lent í öðru eins. Það tók mig 2,1 mínútu að hlaða upp domusnum. sjitt!!!

Ungerjinn þakkar...

...þeim sem hlýddu.

góðar stundir

Fréttir las Sverrirteitsson
Útsendingu stjórnaði AnnaPála Sverrisdóttir.

"Þetta er Útvarp Reykjavík, Dánarfregnir og jarðarfarir"

DJÖFULSINS TÍK

til að fyrirbyggja allan misskilning, þá hefur ungverjinn í dag lagt stund á BioStatistík. Er það tík hin mesta, og munu konurnar sem standa að hardcorefeminism.com ekki komast með tærnar þar sem BioStatistíkin hefur hælana. ÞETTA ER VIÐBJÓÐUR!!!!!!!!!!!

Að vera fyndinn...

...eða vera ekki fyndinn. Það er spursmálið. Ungverjinn hefur sjaldan getað verið fyndinn á prenti. Því verður ekki breytt með þessari síðu. Ungverjinn telur sjálfan sig hins vegar lunkinn í persónulegum samskiptum, augliti til auglitis, og getur jafnvel talis skondinn öðru hverju. Telur bloggandi að síðarnefndikosturinn sé mun betri.

súr rjómi

að elda er mikil list. Það er næstum því eins og að læra anatomiu, nema hvað það er ekki alveg eins ógeðslegt, get ég ímyndað mér. En í kvöld varð undantekning þar á. Ungverjinn gerðist frægur og eldaði Tandoori kjúkling. Áður en lesendur geta náð andanum, þá var þetta Tandoori frá Knorr(tm). Allskostarágætis svona MIX. Einn helsti kosturinn við Knorr(tm) er að þeir prenta pakkana bæði á Madjaramáli og máli Engilsaxa.
En til að gera langa sögu stutta, þá kallaði uppskriftin á sýrðan rjóma. Sýrður rjómi var til í búinu. Opinn frá í síðustuviku, hélt Ungverjinn.
Rjóminn var súr, súrari en allt súrt. Viðbjóður. DAUÐI OG EYÐILEGGING!!! Og Ungerjinn sat eftir með sárt ennið, og snæddi kjúkling, með leifum af súrum sýrðum rjóma. Ekki gott það. Maginn gerir óþyrmilega vart við sig í augnablikinu.

jamms...

...já, það er fátt leiðinlegra en að horfa á fólk í bandarískum þætti, tala þýsku, hvað þá mál Madjara. Ungverjinn á bara bágt með sig. Ekki oft sem það gerist, og þó... sumir gætu nú sagt sögur. hósthóst... :)

allt í léttu gríni

Óþolandi Helvítis

Það er ótrúlega óþolandi að horfa á Noah Whyle tala þýsku. Ungverjinn þykist viss í sinni sök er hann færir rök fyrir því að Noah tali EKKI þýsku.

Það er ámátaóþolandi þegar MTV* tekur upp á því að tala ensku í svona 3 sekúndur, en döbba svo allt djöfulsins draslið!

*MTV = Magyar Televicíó

"domm dímm dúmm

"Útvarp Debrecen, klukkan er átta. Nú verða sagðar fréttir; fréttir í kvöld les Sverrir Teitsson"

Blogg er hafið!