svo er víst rétt á að benda fólki á umfjöllun Atlans um fjölmiðlafrumvarpið. þetta virðist koma andskotanum frá!!!

ÞAÐ ER ALLT AÐ VERÐA VITLAUST

Í dag voru veitt verðlaun fyrir bestan árangur í physiologiu á líðandi námsári. Ungverji var að sjálfsögðu mættur til að taka við verðlaunum í sínum flokki.

Byrjað var að veita verðlaun fyrir besta PBL. Gyðingur.
Svo fyrir bestan námsárangur. Gyðingur.
Svo fyrir næstbestan námsárangur. Gyðingur.

Ungverji fór semsagt heim með sárt enni og súrt bragð í munni, enda einu verðlaunin sem Prof. Kóvács veitt ungverja var tunna af súrum eplum. Það kom ungverja mjög á óvart að árangur sá er ungverji hefur náð í physiologiu skuli ekki verðskulda verðlaun frá deildinni. Rétt skríða á meðaleinkunn, með mínus í practical partinum. Furðulegt.

Svo var keppni í biochemistry í gær. Ungverji mætti galvaskur með u.þ.b. 20 kílógrömm af bókum. Verkefnið var svohljóðandi: "You have to review and suggest a developmental plan to a pharmaceutical company: What molecular basis and targets can be used to decrease the body weight of fat people". Ef ungverji hefði vitað það, hefði hann nú bara sleppt bókunum og mætt með sláturhnífinn og skilið eftir ístruna á kennaraborðinu. En það gengur víst ekki. Sláturhnífur telst víst ekki mólekúl, heldur samansafn mismunandi mólekúla. Kúla. Minnir á gott afmælisboð hér um árið hjá Buffhrútinum. kúlakúlakúla. 1, 2 eða 3 jafnvel 4. Yndislegt.

Ungverji býst sem sagt alfarið við sigri í keppninni um bestu ritgerðina í biochem. eða þannig.

Svo er hér flaggað út um allt, og sést vart í himininn heiðbláann fyrir íslenskafánanum á T-building. En fyrir fáfróða, þá er heimalandi víst að ganga í EU í dag. Það var einnig tilkynnt á verðlaunaathöfninni í physio í dag að þetta væri síðasti fyrirlesturinn í faginu, og jafnframt deildarinnar utan EU. Brutust út mikil fagnaðarlæti. Þó ekki sérlega.

Samt er nú planað að fara og líta á fylleríið niðri í bæ um helgina, þó sérstaklega á morgun uppúr hádegi, en eins og Hanna benti á hérna um daginn, hefjast hátíðarhöld hér stundvíslega klukkan 8 að morgni, og er lokið fyrir hádegi. Þá er einmitt sama ástand á æskunni hér, og heima rétt eftir miðnætti við Arnarhól, eða á tröppum Davíðsstaða.

Svo er nú farið að líða að hinni þokkafullu og lokkafögru Britney. Það verður massíft. Metabólisminn verður tekinn í görn, farið til búdapest, yfirlið af ánægju, og kominn til baka fyrir morgunmat til að ná í rassgatið á cellogorganbiochem, en prófið verður væntanlega í 3 viku próftímabils.

heimkoma er í dag áætluð um miðjan júní. það getur þó vissulega breyst um eins og viku til eða frá. Sennilega þó frá.

góðar stundir

jájáhér

er sumar og sól. Djöfull er leiðinlegt að hafa ekkert annað að segja en veðurfréttir. Ungverji er að breytast í Trausta Jónsson. Bæ the vei, vitiði afhverju Trausti er svona líka herfilega leiðinlegur? Jú, það er einmitt vegna þess að hér áður fyrr, þ.e. þegar ungverji og fólk á svipuðum aldri var enn að míga í bleyjur, eða í mesta lagi að garga á þríhjóli, þá var Trausti einmitt drepfyndinn. Fólk flykktist að til að horfa á veðurfréttir þegar Trausti var á staðnum, en þegar Borgþór veðurstofustjóri kom í sjónvarpinu og talaði um lagð yfir Granlandi var áhorfið einungis mælanlegt á elliheimilum. Borgþóri líkaði þetta ekki, og skipaði Trausta að vera leiðinlegum, ellegar eiga á hættu að missa starfið. Þar hafiði það.

Annars var próf í gær, í hverju ungverji saug feitasta broddgölt sem um getur. Þrátt fyrir að hafa lært eins og íkorni fyrir þetta próf, varð broddgölturinn niðurstaðan. Eftir það var svo farið og kíkt á Starsky og Hutch. Yndi að hafa sama hljómsveitargæjann og í Die alte Schule (oldSchool). Svo náttúrulega VinceVaughn og kó alltaf góðir.

Annars er settið að koma í heimsókn. Ungverji búinn að ganga frá leigu á lúxusjeppa fyrir liðið, enda ekki annað hægt þegar fólkið kemur í heimsókn. Áætlað er að fara til Tokaji og Eger, og jafnvel keyra eitthvað suður á bóginn líka. Fyrirtak það, og ekki amalegt að hafa góða afsökun fyrir að læra ekki alla helgina.

Svo má að sjálfsögðu ekki gleyma að minnast á Britney, en í dag er rétt rúmur mánuður í tónleikana miklu í Búdapest. Þetta verður hrikalega gaman men, yndislegt. Fínt líka að taka smá breik frá próflestri. Svo sendi Gullinn póstkort með mynd af hetjunni. Það stóð nú hellingur í þessu korti, en ekki var það nú innihaldsríkt. Ha!!! En takk engu að síður kall.


Þá eru ekki nema tæpar 4 vikur eftir af skólaárinu, og svo taka prófin við. Vonandi svo að ungverji láti sjá sig á heimaslóðum í fyrri hluta júní.

góðar stundir

það er svo kannski rétt að klára ferðasöguna, þó vissulega verði þetta nú svona antiklímax.

Ungverji og Stefán fóru svo á Leroy Café og hittum Veigu og Sólveigu. Þær höfðu setið þar, sér til ómældrar ánægju, í marga klukkutíma að tala um gamla tíma við fólk sem þær höfðu aldrei, eða næstum aldrei, hitt áður! MAGNAÐ. Svo var haldið heim, í sígaunalest dauðans. Ekki nóg með að hafi troðist inn í klefann okkar, án þess einu sinni að líta í næstu klefa. Hins vegar bar það til tíðinda að Veiga var í þónokkuð góðu skapi, og lagði til að hindra fólk í að koma inn í klefann með því að þykjast vera sofandi, og láta fólk svo vekja okkur. Þegar ferðalangar síðan væru vaknaðir kæmi í ljós að fólkið væri allt þroskaheft. Eftirminnilega ummæli eru þá eftir Veigu: "Svo bara þykjumst við öll vera þroskaheft... nema þú Stebbi, þú skalt bara vera þú sjálfur". Nokkru síðar ropaði Stefán allsvakalega og gall þá í
Veigu:"Æ vertu ekki svona ógeðslegur!".
Stefán: Fyrirgefðu Sigurveig, ég gerði mér ekki grein fyrir að þú værir hérna.

En þess skal getið að þau sátu andspænis hvort öðru, og létu flestum illum látum, þar til ungverja tókst að seyða þau til værðar með hljómfögrum söng sínum.

góð saga

Ungverji hætt kominn!

Já, það var þannig mál með vexti að yfir vídjómynd á föstudaginn langa ákváðu Ungverji og Stefán ofurgarpur að drífa sig til búdapest 7 tímum síðar. Ungverji mætti galvaskur á lestarstöðina morguninn eftir, og hitti þar fyrir garpinn. Að lokinni annars frekar pirrandi lestarferð, hvar tók 1,5 klukkutíma að fá ommelettu, var komið til búdapest. Farið var sem leið lá yfir Danuber-fljót og haldið í fiskabúr þeirra búd-verja. Það var nú bara ansi gaman að fara þangað. Eftir að hafa komist frá safninu nokkuð heilir (fuglar sáu sér fært að láta af skitu á ferðalangana) var haldið á PizzaHut. Það var að sjálfsögðu yndislegt! Eftir þennan annars ágæta málsverð var haldið upp á Hösök tére, eða hetju-torgið, og farið á sýningu í safni þar við hliðina. Sýningin var frekar mögnuð, um helförina. Þetta er kannski ekki í frásögur færandi nema fyrir þessa frétt sem tekin er af mbl.is:

Ungversk stjórnvöld sögð hafa komið í vegfyrir morðárás á forseta Ísraels
Ungversk stjórnvöld komu í veg fyrir morðárás á Moshe Katsave, forseta Ísraels, sem nú er staddur í þriggja daga opinberri heimsókn í Ungverjalandi. Þetta kom fram í útvarpsfréttum í landinu og var vitnað í leyniþjónustu í Ungverjalandi. Þrír menn af arabískum uppruna hafa verið handteknir í tengslum við áætlun um sprengjutilræði gegn forsetanum.

Ungversk lögregla komst á snoðir um að til stæði að gera hryðjuverkaárás meðan hann væri í heimsókn í Ungverjalandi, að því er Lajos Nemeth, talsmaður lögreglu greindi frá. Hann vildi hvorki játa því né neita, að forsetinn hefði verið skotmark í árásunum sem til stóð að gera.

„Lögreglan í Búdapest gerði ráðstafanir vegna gruns um að til stæði að gera hryðjuverkaárás,“ sagði Nemeth. Hann sagði að húsleitir, yfirheyrslur og varðhaldsúrskurðir vegna málsins, væru í undirbúningi.

Málið fékkst ekki staðfest með opinberum hætti, en lögregla sagði að hún myndi halda blaðamannafund vegna þess, síðar í dag.

Katsav, er meðlimur í Likud-flokki Ariel Sharons, forsætisráðherra Ísraels. Hann er staddur í þriggja daga opinberri heimsókn í Ungverjalandi og átti meðal annars að opna nýtt safn til minningar um helförina, í Búdapest, höfuðborg Ungverjalands.


Og þarna var Ungverji einungis á laugardaginn. Ungverji hefur aldrei, svo hann viti, verið jafn nálægt því að springa í loftupp!