26.1.04

ungverji getur ekki bent fólki nógu oft á forystugreinar baggalúts. Þetta er náttúrulega fátt annað en tær snilld. Lesið endilega Múrverk Aríels. snilld

|

Ungverji kominn til lands landa sinna

Komiði blessuð og sæl; Ungverji heilsar frá Ungverjalandi. Það gerðist á þessari för ungverja, hið sem ungverji taldi orðið ómögulegt. Ungverji komst heilu og höldnu, óskaddaður, allur farangur og bara allt með í för. Engar tafir og ekki neitt. Ferðalagið tók alls um 14 tíma, sem telst nú bara asskoti gott, þ.e.a.s. ef maður heitir ungverji. Metið hingað til var sett fyrir rúmu ári, en þá tók ferðin á annan sólarhring, með viðkomu í stórborgum á borð við Billund á V-Jótlandi.

Annars hefir fátt breyst, fyrir utan bakteríuinnihald mjólkurfernanna sem voru skildar eftir í bríaríi í ísskáp ungverja. Þeim hefir nú verið hent, og skipt út fyrir dýrindisflatkökur, hangikjöt, szalami, jógúrt, vatn, skinku, brauð, epli, banana og kók (að sjálfsögðu).

ungverji mun verða í bandi

later

|

24.1.04

hversu mikill slaru var þesson gaur?
þessi guar mismunar embætti unvbverjasem er enimtt að boða flaura til barsmæ-míða, en ugvernifff b´æyreinitt í ubnfr-veraalandöi

þetta er nú mieri steiie-ekeinn...
jæjæja....
góð saga...

|

23.1.04

Skankaskak á Glaumbar-Grindbar-Glyðrubar

Sjáið fyrir ykkur hallæris-snilldarþáttinn á MTV, The Grind. Þar skaka fagrar dömur sínum skönkum, olíubornir überhnakkar dilla sér, og innanum, vel falið bakvið sviðið, og ofan í sjó, er svo venjulega fólkið. Nú verður sögð íslensk útgáfa þessarar lýsingar sem gerðist einmitt í kvöld.

Fjórir ungir piltar, Ungverji, Kjötið, badmintonbjálfinn og stærðfræðinördið (ungverji, Atli, Davíð og Matti) mæltu sér mót á glaumbar. Hittingur var uppúr 22, og góð stemming á staðnum. Einar Ágúst og Gunni Óla voru að trúbadorast og stóðu sig bara helv... vel. Tóku nokkur vel valin cover, og svo slúttuðu þeir með stage-útgáfunni af sílíkon (hey sæta viltu kyngja? ég á ammali í dag). Þegar þetta var orðið, hafði ein stúlka vakið nokkra athygli, m.a. fyrir að vera með nokkuð greinilegt ör eftir kýsiláfyllingu. Menn komust svo að orði að hún gæti ekki verið komin mjög langt frá das Dreifarbenhaus (hús hvar glaðar konur vinna). Slík var múnderíngin. Svo kom í ljós að stúlka þessi var ekki ein með sílíkon, heldur voru nú allnokkur lömb þar staðsett, útbúnar slíkum aukabúnaði. Anorexían lét líka sjá sig, ásamt vinkonum (hvurjar voru ekki haldnar anorexíu). En allavegana... Þetta kvöld verður löngum í minnum haft, fyrir rassasýningar miklar og dill. Glyðrur, überglyðrur og ofurhnakkar voru á staðnum, og ungverji segir það og skrifar að hvaða MTV myndband fölnar í samanburði. Nokkuð ljóst að næsta fimmtudagskvöld sem ungverji verður á landinu, en það er nú þónokkuð í það, verður haldið á glyðrubar. Vonandi að einkashowið verði áfram ókeypis.

ps. vilji fólk sjá myndir af skakinu, er glaumbar.is staðurinn fyrir þig!!!

|

21.1.04

Britney klikkar ekki...

...frekar en vanalega. Nýjasta myndbandið hennar er tær snilld. Það sver sig dálítið í anda við myndband hennar við lagið "I´m a slave for u". Að venju er ekki hægt að horfa á myndbandið með hljóðið tengt, en mute-takkinn á fjarstýringunni kemur að góðum notum.

|

tannlæknamartröðin!!!

Ungverji fór til tannsa áðan. það var ekki sérlega gaman að þurfa að vera með opinn kjaftinn í klukkutíma og korter á meðan var boruð út ónýt fylling, og ný sett í. Þetta var bara satt að segja ómennskt, nú eða subhuman eins og maðurinn sagði. Margrét, en það er tannsi, er professional. Hún byrjaði bara á að deyfa ungverja, og skoðaði svo restina af brakinu í munnholi ungverja. Komst að þeirri niðurstöðu að allt væri bara í gúddí fílíng, svo hún dritaði niður þessari fyllingu og fór svo bara að tsjilla með Lindu. En Linda á einmitt ammli í dag.

góð saga?

svo verður náttúrulega að segja frá hinum víðfrægu hornum sem ungverji ásamt Atlanum bakaði í gær. Þvílík garrrrgandi snilld. Stjórn Tennisdeildar Víkings ku víst hafa íhugað að setja það í lög deildarinnar að Atli skuli sjá fyrir bakkelsi á stjórnarfundum, framvegis.

|

14.1.04

baggalutur...


...er eins og vitað var helber snilld. hafi fólk ekki lesið annál 2003, eða völuspá 2004 mælir ungverji hiklaust með því að fólk geri það asap!

|

æl

|

12.1.04

þroskaheftir

Um fyrirsögn á textavarpi rúv, og almennt sinnuleysi fjölmiðla gagnvart fötluðum íþróttamönnum.

Það má með nokkurri vissu segja að fatlaðir íþróttamenn séu annars flokks íþróttamenn, samkvæmt fjölmiðlum. Þetta er kannski sterkt til orða tekið, en tími er til kominn að e-r segi eitthvað. Hversu oft hefur Jón Arnar valdið vonbrigðum með því að hætta í keppni á HM, eða Ólympíuleikunum eða bara e-u skítamóti útí rassgati? Hversu oft hefur Vala Flosa fellt byrjunarhæð sína í prik-hoppi í beinni? Hvers vegna var Sigurbjörn Bárðarson íþróttamaður ársins um árið? Hann situr á rassgatinu og heldur á bjór, og er þess vegna verðugur fulltrúi íslenskrar íþróttamenningar!

Svo berast fréttir, endrum og sinnum, af íþróttafólki sem er að gera góða hluti á alþjóðlegum vettvangi, svo sem Óli Stef, Örn Arnar, Gunnar Örn, Kristín Rós o.s.frv. Á þessum lista eru 2 nöfn, sem ekki eru á allra vörum. Gunnar Örn Ólafsson, og Kristín Rós Hákonardóttir. Þetta er sundfólk, sem er fatlað. Þetta fólk keppir við annað fólk, líkt og Óli og Örn, sem er í sama styrkleikaflokki og það sjálft og er bara að gera virkilega góða hluti. Kristín Rós er margfaldur heimsmeistari, heimsmethafi, ólympíusigurvegari, evrópumeistari og ég veit ekki hvað og hvað og hvað. Gunnar Örn veit ungverji ekki jafn mikið um, líkt og flestir, en stráksi varð heimsmeistari í sundi um helgina. Ekki slæmt það.
Tilefni þessara skrifa er fyrirsögn sem ungverji sá sér til nokkurrar furðu á textavarpi rúv. Hún var svohljóðandi: Þroskaheftir: Gunnar Örn fékk gull! Ungverja finnst þetta nú lágkúrulegt. Hvernig hefði verið að hafa fyrirsögnina svona: "HM í Hong Kong: Gunnar fékk full"; svo hefði verið hægt að útskýra nánar hvað um var að ræða innan í fréttinni.

Þetta er að vísu ekki eingöngu vandamál íslenskra fjölmiðla, heldur heimsins alls. Ungverji veit að fólk mun segja: "Þetta fatlaða fólk er vissulega gott, en það er ekki hægt að bera það saman við íþróttastjörnur sem hefur alla útlimi, eða er ekki skert að öðru leyti". Ungverji segir, þess þó heldur að útvarpa árangri þeirra sem minna mega sín.

Að lokum leggur ungverji til að fatlaðir íþróttamenn verði settir að jöfnu við ófatlaða í vali, viðurkenningum og styrkveitingum ÍSÍ. Hvernig væri tildæmis að hafa þetta árangurstengt???

|

11.1.04

það er ekki sama föstudagur eða þriðjudagur...

Halldór Ásgrímsson núverandi utanríkisráðherra, og verðandi forsætisráðherra, gerði reginskyssu þegar hann bað sprengjusérfræðinga lanhelgisgæzlunnar að finna fyrstu gerðeyðingarvopn Íraka. Skyssan var að sjálfsögðu ekki sú að láta íslenska sprengjusérfræðinga, með kjarngóð íslensk nöfn sbr. Adrian King, finna draslið, heldur að gera það svona rétt fyrir helgi. Það hreinlega vissi enginn í PR-apparati utanríkisráðuneytisins um þetta, sem er náttúrulega stórkostlegur feill. Svo að fólkið sem kallað var út á aukavakt virðist ekki fært um að skrifa á ensku, enda var dönum fært allt hrósið fyrir fundinn. Það er á svona stundum sem hægt hefði verið fyrir stjórnarflokkana að reka síðustu kistunaglana í kistur málflutnings stríðsandstæðinga um víðan völl, en gerðu það aðeins með veikum mætti innlendra stríðsandstæðinga. Annars verður að segjast að stjórninni mistókst allhrapalega að nýta sér þetta tækifæri...

svo næst þegar sprengjusérfræðingar finna bomburnar, er best það það sé á þriðjudegi. Þá gefst nógur tími til að kalla út enskumælandi fólk, sem veit e-mail addressuna hjá CNN, svo það komi líka skilaboð frá Klakanum...

|

10.1.04

ómálefnaleg gagnrýni ungverja...


Ungverji er ómálefnalegur, og finnst það gaman. Það eru alltaf ákveðin efni sem ekki er hægt að fjalla um á ómálefnalegan hátt, eins og t.d. mannréttindabrot, heilbrigðismál (sem eru ungverja hugfallin) og annað er varðar almannaheill. Hins vegar hikar ungverji ekki við að gagnrýna fólk, sem af eigin fáfræði, segir og skrifar tóma vitleysu æ ofan í æ.

Í þetta sinn er það samstúdent ungverja, Helga Baldvinsdóttir (Bjargardóttir, eins og stýlkan skrifar sig á frelsi.is), sem verður fyrir barðinu á ómálefnalegri gagnrýni ungverja [og þó???]. Tilefni þessara skrifa, þ.e.a.s. skrifa ungverja, er aðgerðaleysi á laugardagskveldi. Þrátt fyrir linnulausar tilraunir ákveðinna vinkvenna ungverja sem reynt hafa að tæla hann til áfengisneyslu annað kvölið í röð, með frásögnum af klæðaburði sínum, eða skorti þar á. ALLAVEGA... Það er tvennt sem ungverji æltar að taka á í sambandi við hana Helgu Baldvins:
1. Ungverja er mjög minnisstætt þegar Helga í samvinnu við góðvinkonu ungverja, Margréti nokkra Ögmundsdóttur, setti upp grínþátt í Ráðhúsi Reykjavíkur á útgáfudegi skólablaðs MR, hverju Margrét ásamt annarri stúlku ritstýrði af miklum dugnaði. Þrátt fyrir að blaðið hafi ekki verið afhent þá, þ.e. í Ráðhúsinu, eins og kannski sumir muna eftir, þá sá Helga sér ekki annað fært en að ganga upp á svið, og hreita gýfuryrðum [ok, það voru kannski ekki gýfuryrði, en kommon, þetta er ómálefnaleg gagnrýni!!!] í Margréti og ritstjórn blaðsins. Kom þessi monolog nokkuð á óvart og flatt upp á ritstjórn og aðra viðstadda og vaktii nokkuð? hörð viðbrögð m.a. Ungverja. Mónologgið snerist um höfnun ritstjórnar á grein Helgu um femínisma, eins og ritstjórn hafi nokkurn rétt á því. Það er ekki eins og ritstjórn hafi eitthvað um það að segja hvað verði í blaði því sem hún ritstýrir. Ég held nú ekki.

2. Á Frelsi.is ritar Helga grein hvar hún fjallar um feitt fólk, og byrði þá er feitt fólk skapar á samfélaginu. Nú eins og fólk kannski almennt veit, þá er ungverji ekki alls ókunnugur feitu fólki, og hefur að eigin mati nokkuð góða sýn á veruleika þann sem feitt fólk lifir í. Skrif Helgu á frelsi.is snertu því fitu-taug ungverja, sem verður að segjast, er frekar sterk. Í grein sinni á frelsinu leggur Helga til að fólk verði skattlagt eftir BMI-stuðli sínum. Fyrir þá sem ekki vita, er BMI-stuðullinn þyngdarstuðull sem notaður er til að ákvarða hvort fólk sé of þungt, feitt, eða offeitt. BMI stuðullinn er reiknaður þannig að þyngd fólks í kílógrömmum er deilt með hæð fólks í metrum í öðru veldi (kg/hæð í öðru). Það hlýtur hver þenkjandi maður að sjá að slík mæling er ekki algild. Ungverji þekkir til dæmis mann sem er álíka hár ungverja, um það bil jafnþungur ungverja, og er því með sama BMI stuðul. Hans fituprósenta er hins vegar allmiklu lægri en ungverja. Hann er í feiknaformi, og gæti slegið við hvaða fitness trölli í flestum greinum. Er sanngjarnt að láta hann borga "fitu-skatt"? Nei. Að leggja það til að skattleggja fólk eftir BMI stuðlinum er eitt það mesta rugl sem ungverji hefur heyrt um!

[bætt við örlítið síðar. Þess verður að geta, að Helga er alls ekki slæm manneskja. Ungverji hefur rætt við hana, þó ekki mikið, en með þessum skrifum var ekki ætlunin að rægja hana sem persónu, heldur einungis skoðanir hennar á þessu ákveðna máli annars vegar, og aðgerðir hennar undir ákveðnum kringumstæðum hins vegar. Þetta er nú ritað vegna viðbragða annarrar konu við svipuðum skrifum ungverja fyrir alllöngu síðan... þeir vita, sem vita...]

Til að telja upp annað það sem ungverji telur mikið rugl, er samningadeila sérfræðilækna og ríkisins, ráðstafanir til sparnaðar í heilbrigðisgeiranum, háskóli á ísafirði (sorry Gunna, ungverji getur ekki séð hvers vegna ætti að reka háskóla á ísafirði), menningarhús um allt land, risnukostnaður ríkisins, flugleiðir (ungverji skilur ekki þetta batterý, en dæmið sem ungverji þekki, má ekki ræða vegna þess að það er innanhúsmál í fyrirtæki sem ungverji hefur tengsl við), og almennur smáborgaraháttur íslendinga. Hvað þetta síðasta varðar, er ungverji samt þakklátur fyrir það. Það verður bara að viðurkennast að ungverji þakkar sínum sæla fyrir að lesa ekki á mlb.is á hverjum degi að maður hafi sprengt sig upp á kaffi París, eða einhversstðar eins og kunningjar hans frá landinu (ó)helga. Ungverji er þess vegna þakklátur fyrir að æsifréttir íslands tengist þrílembdri ær í skagafjarðarsýslu.
góðar stundir

|

magnaður skítur!

ungverji birtir hér brot úr gestabók síðunnar:

Date of Entry: 00:56:27 15-9-2003 CET
Name: kevin
Website Address: http://www.sexe-gratuit.bz
Comment:
Your site was so interesting and informative I had to call a friend to tell her about it. Great work

þetta sýnir náttúrulega hversu miklum gæðum síðan er gædd. Ungverji er hrærður. Og hræran er ekki sýðri fyrir þá staðreynd að kevin birtir þessi skilaboð tvisvar! Yndi...

|

7.1.04

Kynlíf, dóp og brjálað partý!!!

Konur stunda kynlíf með konum, karlar með konum, og stundum karlar með öðrum körlum (en þá er einmitt kona með í spilum, stundum; stundum ekki).

Þetta náði athygli ykkar, er það ekki?

Gott.

Allavega. Ungverji ætlar ekki að láta móðinn mása um kynlíf, hvers kyns það kann að vera. Nei, það er ekki svo gott. Heldur ætlar ungverji að fjalla um svolítið sem stendur honum öllu fjær. Sjómannaafsláttinn og afnám hans. Ekki hætta að lesa!!!. Ungverji ætlar að skrifa stuttlega um sjómenn, og síðan vinda kvæði sínu í hring og tala um unglækna.

Sjómenn hafa um árabil notið skattaafsláttar umfram hinn venjulega persónuafslátt almennings. Ef ungverji hefur skilið fréttir undanfarinna daga rétt, þá fær sjómaður sem er meira en 245 daga á sjó á ári fær viðkomandi fullan skattaafslátt, er semsagt skattfrjáls. Meikar þetta sens? Ungverja finnst það ekki. Vissulega er starf sjómanna erfitt, hættulegt og skapar mikil verðmæti fyrir þjóðarbúið. En eiga sjómenn skilið að vera skattfrjálsir? Neibb. Það á enginn skilið að vera skattfrjáls í nútímaþjóðfélagi. Starf sjómanna er vissulega mikilvægt og hættulegt, en þeir hafa líka bara ansi góð laun. Fyrir einn túr er hásetahlutur allt að milljón, jafnvel meira. Túrar eru heldur yfirleitt ekki lengur en einn mánuður, svo að sjómaður, sem greðir skatt væri ekki með minna en 3-400000 á mánuði, sé gert ráð fyrir að sæmilega veiðist. Rök forystu sjómanna eru þau að sjómenn séu aðskildir frá fjöslkyldum sínum langtímum saman og húki á sama stað í allt að mánuð í einu, og stundum lengur. Þetta er vissulega slæmt. En verðskulda þeir að vera skattfrjálsir, og borga þannig ekki sinn hlut í kerfinu. Þeir eru þess vegna svona freeloaders.

Það sem sló ungverja mest voru þessi rök forystu sjómanna, að sjómenn séu aðskildir frá fjölskyldu og vinni erfið störf í þágu þjóðarinnar. Ungverji, eins og kunnugt er, er læknanemi. Sem slíkur gerir ungverji sér grein fyrir að þegar kemur að því að fara að vinna mun hann gera lítið annað en að vinna; allavega fyrstu 10 árin. Ungverji verður þá aðskilin frá fjölskyldunni (í hvaða formi sem hún kann að verða), hangandi á sama staðnum, sofa lítið sem ekkert og það sem er frábrugðið sjómönnunum: miklu meiri ábyrgð! Já, unglæknum, og ungum læknum er gert að vinna eins og berserkjum, sofa lítið og bera ábyrgð á mannslífum. Já mannslífum, í fleirtölu. jæja nóg komið af reiðilestri og egoisma.

Það er slæm hugmynd að veita sjómönnum skattfrelsi. Það meikar bara nákvæmlega ekkert sens. EKKI NEITT! Engin ein starfstétt á rétt á skattfrelsi, sama hvert starfið er.

Lesendur eru beðnir afsökunar á þessu rugli.
Eins og ungverji sagði í e-maili til vinkonu sinnar, þá er ungverji svo sannarlega í ruglinu... no dát!


og bara svona rétt til að bæta við...
Ungverji er ekki guðleysingi, en er langt frá því trúaður. Sem þessi orð eru skrifuð er ungverji að horfa á þáttinn "Americas next top model". Ekki spyrja hversvegna. Það sem inspireraði þessa viðbót, var að þegar verulega hitnaði í kolunum, þá fóru stúlkurnar að rífast. Einni líkaði það ekki og kvaddi til hópbænar. HVERT ER MÁLIÐ? Hún sagði samkeppni vera komna frá djöflinum, en engu að síður er hún í einni slíkri. UNGVERJI ÞOLIR EKKI SVONA RUGL!!! VINSAMLEGA KOMIÐ EKKI MEÐ ÞETTA RUGL Á DYRAÞREP UNGVERJA.

|

2.1.04

JNK og BUÉK

Ofanritaðar skammstafanir þýða á óhrognamáli: Góðan dag og Gleðilegt nýtt ár.

Hvað gerðist á þessu ári sem var að líða? Það gerðist nú býsna margt. Færra sem ungverji man eftir, og ekkert sem tekur því að skrifa það í upptalingu á merkilegum hlutum sem gerðust á liðnu ári. Og þó...

Í janúar bar það hæst að Ungverji festist í flugvél og svo á flugvelli við það að gera heiðarlega tilraun til að komast til námsstaðar sín (ath. fallbeygingu á þessu fornafni: nf. sig, þf. sér, þgf. sín, ef. ekki til) Debrecen í Ungverjalandi. Tók ferðin allmiklufleiri klukkutíma en gert var ráð fyrir. Svo þegar komið var á Ferhegy-flugvöll var engin taska og allt í fokki.

Í febrúar, mars, apríl og maí gerðist fátt merkilegt. Það sem merkilegt getur talist var að Ungverji varð íslendingur á ný 31. maí, en þá hélt hann ásamt Daða heim á leið eftir strembna próftörn.

Í Júní hóf ungverji störf á hjúkrunarheimilinu Sóltúni, hvar hann kynntist ömmum og langaömmum fólks, annars en hans sjálfs, öllu nánar en fólk almennt kærir sig um. nuff said. Í júní héldu vinirnir á Jónsmessuhátíð á Eyrarbakka (minnir ungverja) (ekki er vafa um staðsetningu hátíðarinnar, heldur tímasetningu), hvar Guðlaugur nokkur var hætt kominn í fjöruborði bæjarins og tapaði lopapeysu, sem greinilega bar ekki jafnmikið tilfinningalegt gildi og hatturinn sem ungverji og Steini földu undir Steini á Steinaströnd í landi Spánverja; það var semsagt ekkert grátið við tap lopapeysunnar.

Í Júlí var skeint, baðað, búið um legusár, skeint og aftur skeint. Tilhlökkun til verslunarmannahelgar var mikil. Ungverja rekur minni í allsérstaka landmannalaugaferð... gaurarnir frá Basel (borið fram Ba-al) voru í góðu stuði.

Í Ágúst var ekki farið á Þjóðhátíð, eins og lofað hafði verið, heldur allt gert sem gert hafði verið í júlí, fyrir utan að hlakka til verslunarmannahelgarinnar. Ungverji, ásamt Guðnýju (snillingur sem vann með ungverja í skeiningum á Sóltúni) röðuðu vitlausum pöntunum af bleyjum inni á líni alla helgina. Í hjáverkum var svo litið inn á klósett og... you know the rest... 10. ágúst var svo hætt að vinna. Tsjillað fram að brottför til Debó. Haldið kveðjupartý (ath. númer 4) sem var slappt. Spurning um að innrétta bílskúrinn sem eldhús og halda partí þar. Hafa 3 ísskápa, nokkra vaska og 2 klósett úti á miðju gólfi hvar fólk getur létt á sér bakvið sturtuhengi. Góð hugmynd.

Í september, október, nóvember og desember var lært, lært, lært og aftur lært. Anatómía átti hug ungverja nánast allan. Hvað átti hug ungverja að litlu, en þó nokkru leyti verður ekki tiltekið fyrir framan alþjóð á öldum ljóshraðans. 24. desember kom ungverji heim, þreyttur og lúinn eftir að hafa náð lokaprófi í anatómíu tveimur dögum fyrr. Gott mál það. Ungverji upplifði skrýtnustu jól frá upphafi, enda kom jólaskapið ekki fyrr en á annan í jólum, þegar ungverji heyrði jólalög spiluð fyrsta sinni á árinu [athugið að ungversk og erlend jólalög teljast ekki með] á leið í teiti til Helgu, hvar þeyttur rjómi vina ungverja var staddur. Þó verður að geta þess að einungis hafði verið þeytt úr fjórðungi pela, enda vantaði marga.

Áramótin eru nú alveg sérpakki útaf fyrir sig. Haldið var á Hressó hvar Guja, Bryndís og Brynhildur héldu teiti ársins (bæði hins liðna og hins komandi). Það var feiknastemming hvar Helga og Ungverji, ásamt öllum hinum voru vel við skál. Það var skálað, dansað, skálað og dansað, talað, tekið í höndina á frægum mönnum, skálað enn meira og svo farið á nonna. Nonni bregst ekki. Það var semsagt mjög gaman, alveg þar til leigubílavesenið byrjaði. Og eftir að hafa misst 3 tær og nokkra fingur hringdi Kristín á móður sína sem kom galvösk og sótti djammliðið í Lækjargötuna. Ungverji fékk að krassa hjá Helgu í Álftamýrinni og er þeim, Helgu og móður Kristínar, þakkað kærlega fyrir vinsemd og greiðvikni í garð ungverja þetta kvöld.

Árið í heild sinni var gott. Vel heppnað og leið fljótt. Vonandi verður þó 2004 betra en árið sem var að líða. Ný íbúð bíður ungverja, ný fög í skólanum og vonandi bíða gömlu vinirnir líka eftir ungverja eins og þeir hafa vissulega gert hingaðtil.

Ungverji þakkar liðin ár og vonar að bloggað verði meira á komandi ári.
Með ást, elsku og virðingu,
Eggert Eyjólfsson, Ungverji með minnu, Íslendingur með meiru.
góðar stundir.

ps.
málefni frétta í dag verða tekin fyrir á morgun. Viðkvæmar sálir, passið ykkur!

|