mannréttindabrot eða ekki...

yrði það mannréttindabrot að banna konum að keyra bíl?

yoyoyo, MC Kóvács in da house!!!

Svona byrjaði einni virtasti prófessor skólans, Kóvács Lazló, fyrirlestur um daginn við mikla kátínu nemenda. Hann mætti í kvaðrassa-dressinu, en klikkaði samt ekki á bindinu. Mikil snilld. [Fyrir þá sem ekki vita hvað kvaðrassi, nú eða kvaðrassa-dress er, tali við Luvstav]

Auðvitað var gaman í fyrirlestri um daginn, en það hefði verið skemmtilegra að hafa Kóvacs kvaðrassa. Hann var að tala um oföndun, en það virtist þó sem vanöndun hrjáði nemendur, enda heyrðust hrotur héðan og hvaðan úr salnum.

Um þessar mundir er í heimsókn konungur suddanna, faðir Könnunnar. Maðurinn sá vekur könnu sína með orðunum: "Ræs mella, skip!". Magnað. Þetta hefir kannan sagt Ungverja, og hans kollegum hér, oftar en einu sinni, en senniegla sjaldnar en 59 sinnum. Foreldrar könnunar komu þó hlaðin varning, sem er ekki slakur. Pylsur, hangið og saltað kjöt. Boðið verður upp á herlegheitin í kvöld, þó er staðsetning óákveðin.

Ungverji vaknaði upp við mikinn kulda í herbergisómyndi sinni í morgun, lokaði glugganum, og sá að það var farið að snjóa. Samt bara slydda, en samt, hvað er að? Í fyrra var það ekkert öðruvísi en 15 stiga hiti og yndisveður alla daga, fram í desember. Heimur versnandi fer.

Þessa dagana fer fram gjafaráðstefna fyrir írak í madrid á spáni. Ótrúlega gaman að sjá menn betla svona á pólitískum forsendum fyrir land, sem á meiri olíu en allir í heiminum, fyrir utan nágranna sína í sádíarabíu. BNA menn eru svo hneykslaðir á þjóðverjum, frökkum og rússum að vilja ekki borga uppbyggingu eftir sprengjur BNAmanna, sem féllu í teratonnatali á útmánuðum. Þetta minnir ungverja á röksemdafærslu Loreu, stúlka sú var með Ungverja í Hvaleyrarskóla forðum daga. Farið var í ferðalag út á land, útskriftarferð ef ungverji man rétt. Lorea ásamat nokkrum öðrum í "hinum bekknum", "kúlista bekknum", en ungverji var að sjálfsögðu í "nörda bekknum". Nokkrir af kúlistinum reyktu sígarettur, og gera sjálfsagt enn í dag, og hentu þeim vandlega á stéttina fyrir framan innganginn. Eftir 2 daga vitleysu báðu kennararnir sem með voru í för, það fólk sem reykti að taka upp stubbana og setja þá í ruslið. Þá lét Lorea eftirfarandi orð falla: "Mér finnst það þeir sem reykja ekki, eigi að taka upp stubbana." Svona er málflutningur BNA manna. Kannski ekki alveg jafn asnalegur, og ómálefnalegur, en á vissulega sínar hliðstæður í orðum Loreu hér um árið.

Nú er löng helgi hjá Ungverja. Eitthvert stríðið sem ungverjar töpuðu var háð um þessar mundir fyrir mörgum árum. Þeir halda upp á það með því að gefa landsmönnum frí í 4 daga, í stað tveggja. Þetta gerist um það bil einu sinni á önn, og er ágætt. Svo fara að sjálfsögðu að koma próf. Ekki þó jafnslæm törn og um daginni, en vond er hún.

það vantar allt á heimili ungverja, matarkyns þ.e.a.s., því verður nú lagt upp í leiðangur til að kaupa brauð, álegg og kannski einhvern sudda... það er aldrei að vita. Svo var lið að fara til Króatíu, einn gleymdi vegabréfinu... fyndið...

ps.
myndainnlögn verður um leið og ungverji nennir að kaupa sér netsnúru.
pps.
ungverji kemst ekki á msn, sökum ómennskrar tregðu hjá webmaster hér á díákszálló. Hann neitar að updeita messenger, sökum þess að hann heldur því fram að það sé ekki til nýrri útgáfa!!!! þess má svo geta að ef maður kveikir á msn-inu kemur melding sem segir að ef maður dánlódi ekk nýju versjóni, verði slökt á messenger. Magnaður skítur.

sæl að sinni

snilldin ein

þetta er tekið af frettir.com:

"Veröld/Fólk | Sunnudagur | 12. október | 2003
Skutu niður flugvél af fögnuði
Það tíðkast í sumum löndum að skjóta af byssum upp í loftið til hátíðabrigða en slíkt getur haft alvarlegar afleiðingar. Í brúðkaupi í Serbíu-Svartfjallalandi skutu þannig brúðkaupsgestir niður eins hreyfils flugvél. "

Beint fyrir neðan þessa frétt var auglýsingaborði þar sem stóð:

"Millilandaflug á mbl.is - Komu- og brottfarartímar flugvéla".

Auglýsendur fá mikið fyrir lítið hjá mbl.is

þetta er náttúrulega tær snillld

tessék mondání!!!

hæbb

Eða eins og Arnold myndi segja: I´m baaaaggk.

Magnaður skítur. Ungverji hefur ekki litið á internetið, sem heitið getur, í lengri tíma en áður hefur þekkst. Bloggað hefur verið stíft, eða þannig, undanfarnar þrjár vikur. Hins vegar eru ríkar ástæður þar að baki. Verða þær raktar hér í lengra máli en þörf krefur.

Mikil prófatörn er að baki, en hún tók mestan tíma ungverja síðastliðnar vikur. 3 próf af erfiðari gerðinni voru þreytt. Árangur liggur nú þegar fyrir í 2/3 prófanna, anatómíu og físíó. Físíó prófið var fyrst. Þar er nú saga að segja frá. Ungverjinn fór á McDonalds, miðvikudaginn fyrir prófið (en prófið var á mánudegi). Gæddi Ungverji sér á CsirkePremiereSaladát. Það var engum blöðum um það flett, að Ungverji hlaut að launum matareitrun. Drulla í viku. Ekkert jafnast á við að vakna 3 á nóttu til að drulla. Það er yndi eins og menn hér í landi Magyara segja svo gjarnan. Lítið varð því úr lærdómi fyrir físíólógíu prófið og úrslitin eftir því. 67,3%
Anatómíuna kunni ungverjinn sæmilega fyrir upphaf drullunnar, svo anatómíuprófið gekk snurðulaust fyrir sig. 5 rör þar (fullt hús).
Lífefnafræðin var bara soso. Ekki of erfið. Meintur tímaskortur kom fáti á Ungverja, en uppgefinn tími fyrir spurningarnar 22 voru 25 mínútur. Það fór þó svo að ungverji lauk prófinu á 12 mínútum. Úrslit lverða birt í lok komandi vinnuviku. Ótrúlegt. Spá: 10-14 punktar af 19. Ásættanlegt.

Prófloka djamm var í gærkvöld. Ungverji hafði ekki snert mjöð í of langan tíma. 3 vikur, ekki eitt einasta alk. Alkafjöldi gærkvöldsins var ótakmarkaður og ómælanlegur. Ungverji skemmti sér að sögn ágætlega. Minnið er eitthvað að bregðast ungverja. Þó var líkamsástand ungverja það slæmt við heimkomu að losa þurfti ágætan skammt með góðri spýju í salernið. Leikurinn var svo endurtekinn við uppvakningu um klukkan 12. Þynnkan var allrosaleg, en var gengin úr líkama ungverja eftir hlaup á milli misgóðra staða sem þóttust ætla að sýna landsleikinn. Enginn var staðurinn, svo á endanum varð úr að fara á Rolling Rock, horfa á leikinn (þ.e. Ungverjaland-Pólland). Leikurinn fór 1-2 Pólverjum í vil. Gleðin var ekki mikil er ungverjabróðir sendi hvert SMS-ið á fætur öðru um mörk, afdæmd mörk, mörk og fleiri mörk. Þetta náttúrulega er óþolandi.

Jæja, nóg að sinni. Ungverji biðst forláts lesenda sinna. Biðin hefur verið löng, en ungverji dregur enn andann, þótt mjótt hafi verið á mununum í morgun, sökum spýja og höfuðverks.

góðar stundir.