Pylsur og brjálað kvenfólk!!!

Já, það er ekki laust við að pylsurnar í gærkveldi hafi runnið ljúflega niður vélindu fólks á Komlossy út 64. Keypt var grill, í tilefni dagsins, sem kom svo í ljós að var allt of mikill hiti á. Það tók að meðaltali 27,2 sekúndur að sprengja hverja pylsu. Ekki amalegt það. Þess skal svo getið að Ungverjinn komst að því að það er til fólk í heiminum sem vill pylsur eins og þær eiga að vera. Björgvin vill þær einmitt líka kolaðar og sprungnar frá helvíti. Það er einmitt best. Pylsurnar komu foreldrarnir með, ásamt remolaði og steiktum. Það var ótrúlegt að fá grillaðar pylsur hérna í Debrecen. Það var einnig gaman að sjá að fólk var almennt mjög sátt við þetta, og ekki skemmdi fyrir að fá PrincePolo í eftirrétt. SCHNILLLLLD!!!

Hvers vegna stendur brjálað kvenfólk í fyrirsögninni veit ungverjinn ekki... og þó... Seint munu mæður hópsins [Kristín og Hanna] vera kallaðar svona normalt fólk, hvað þá Þuríður og Björgvin. Yfir þeim öllum drotnar svo Sólrún. Það er ekki spurning.