Tík

Pólitík. Í dag var fyrsti kosningafundur íslenskra Debrecenbúa. Hann var haldinn yfir síðbúnum hádegisverði. Á matseðlinum var kjúklingur, Orly mode. Mjög góður. ÞAK kom, að Ungverja minnir, af stað pólitískri umræðu. ÞAK, eins og alkunna er, er blóðheit stuðningskona Ósamfylkingarinnar. Við hinn enda borðsins sátu meira og minna blátt fólk. ÞAK var ein á móti þremur, svo ekki var staðan fýsileg. Hins vegar hefur Ungverjinn á netmiðlum íslands (t.a.m. Umræðuvef Framtíðarinnar hér um árið) verið úttalaður stuðningsmaður VG. Það breyttist stórlega er Ungverjinn las stefnuskrá VG. Þar stendur beinlínis að Íslendingar, komist VG til valda, muni segja sig úr NATO, reka þar af leiðandi herinn burt, þurrka upp öll uppistöðulón virkjana á íslandi, hindra innstreymi fjármagns í íslenskan iðnað, og hvort sem þið trúið því eða ekki er lagt til að íslendingar stundi sjálfsþurftarbúskap. Það kann að vera að Ungverjinn hafi misskilið eitthvað, eða misminni, en svona kom þetta út.
Hvað yrði þá næst? Ísland segir sig úr Sameinuðuþjóðunum, segir upp þeim fáu fríverslunar samningum við útlönd sem til eru, úrsögn úr Evrópusamstarfi og guð má vita hvað! Ekki nóg með það, þá verður einkavæðingarferli núverandi ríkisstjórnar snúið upp í andstæðu sína, og ríkið látið sanka að sér eignum, þvert á stefnu allra landa í kringum okkur. Síminn keyptur aftur, bankarnir og guð má vita hvað með ómældum kostnaði skattgreiðenda. En það er einmitt verkefni verðandi samstarfsflokks VG (ef allt færi á versta veg) að hafa efni á herlegheitunum.
46% skattur. Hvorki meira né minna. Hvaða djöfulsins rugl er þetta eiginlega. Ungverjinn var ráðvilltur er hann steig út úr lestinni í SajtosPulykamell um dagginn. En það er eins og maðurinn sagði: "Once the shit hits the fan, it gets ugly". Bullið sem vellur út úr Ingibergi Sólbrúnum er ótrúlegt!!! Ekki nóg með að hann skipti um skoðun, oftar en heilbrigðum manni er kleift að telja, þá ætlar kellingarálkan að setjast í forsætisráðherrastól Íslands, kalla yfir landið verðbólgu, láglaunastefnu, hæstu skatta sem um getur í hinum margnefndu nágrannalöndum, úlfúð og anarkí!
Þrátt fyrir að Ungverjinn hafi löngum verið þeirrar skoðunar að kominn væri tími á Davíð, þá fór hann að hugsa... Hver ætti að koma í stað Davíðs? Ingibergur? Skalla-Grímur? Halldór??? Það er einfaldlega svo að það er enginn sem gæti unnið þetta starf betur en Dabbi kallinn. Það er staðreynd.

Jæja, bundinn endir á blogg samkvæmt skipun yfirvaldsins

meira síðar